പോ​ലീ​സ് സ​ഹ​ക​ര​ണ സം​ഘ​ത്തി​ൽ​നി​ന്നു ലോൺ സംഘടിപ്പിച്ച്  തട്ടിയത് ഒന്നരക്കോടി; മുൻ പോലീസുകാരൻ കുടുങ്ങി; അമിത ലാഭം മോഹിച്ച് ലോൺ എടുത്തുനൽകിയ പോലീസുകാർക്ക്  കിട്ടിയ പണികണ്ടോ

തൊ​ടു​പു​ഴ: ഇ​ടു​ക്കി പോ​ലീ​സ് സ​ഹ​ക​ര​ണ സം​ഘ​ത്തി​ൽ​നി​ന്നു പോ​ലീ​സു​കാ​രെ ഉ​പ​യോ​ഗി​ച്ചും സ്വ​ന്ത​മാ​യും വാ​യ്പ​യെ​ടു​ത്ത് ഒ​ന്ന​ര കോ​ടി​യോ​ളം രൂ​പ ത​ട്ടി​യെ​ടു​ത്ത് ഒ​ളി​വി​ൽ പോ​യ മു​ൻ പോ​ലീ​സു​കാ​ര​നെ ഇ​ടു​ക്കി ഡി​സി​ആ​ർ​ബി സം​ഘം ത​മി​ഴ്നാ​ട്ടി​ൽ​നി​ന്നു പി​ടി​കൂ​ടി.

ഇ​ടു​ക്കി എ​ആ​ർ ക്യാ​ന്പി​ൽ സി​വി​ൽ പോ​ലീ​സ് ഓ​ഫീ​സ​റാ​യി​രു​ന്ന കാ​ഞ്ഞി​ര​പ്പ​ള്ളി ഒ​റ്റ​ത്തെ​ങ്ങി​ൽ വീ​ട്ടി​ൽ അ​മീ​ർ ഷാ (43)​യെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്.

2019-ലാ​ണ് ഇ​യാ​ൾ സ​ർ​വീ​സി​ലി​രി​ക്കെ പ​ണം ത​ട്ടി​പ്പു ന​ട​ത്തി​യ​ത്. ഇ​തോ​ടെ ആ ​വ​ർ​ഷം​ത​ന്നെ ഇ​യാ​ളെ സ​ർ​വീ​സി​ൽ​നി​ന്നു നീ​ക്കം ചെ​യ്തി​രു​ന്നു.

സ​ഹ​പ്ര​വ​ർ​ത്ത​ക​രെ​കൊ​ണ്ട് വാ​യ്പ​യെ​ടു​പ്പി​ച്ച പ​ണം ഇ​യാ​ൾ ഓ​ണ്‍​ലൈ​ൻ റ​മ്മി ക​ളി​ക്കാ​നാ​യി ഉ​പ​യോ​ഗി​ക്കു​ക​യാ​യി​രു​ന്നെ​ന്നാ​ണ് പോ​ലീ​സി​നു ല​ഭി​ച്ച വി​വ​രം.

നി​ര​വ​ധി പോ​ലീ​സ് ഉ​ദ്യോ​ഗ​സ്ഥ​രെ ഇ​യാ​ൾ ക​ബ​ളി​പ്പി​ച്ച് പ​ണം ത​ട്ടി​യെ​ടു​ത്തി​രു​ന്നു. സ​ഹ​ക​ര​ണ സം​ഘ​ത്തി​ൽ മാ​സാ​മാ​സം അ​ട​യ്ക്കേ​ണ്ട തു​ക​യോ​ടൊ​പ്പം കൂ​ടു​ത​ൽ തു​ക ന​ൽ​കാ​മെ​ന്ന് വാ​ഗ്ദാ​നം ന​ൽ​കി​യാ​ണ് ഇ​യാ​ൾ വാ​യ്പ എ​ടു​പ്പി​ച്ചി​രു​ന്ന​ത്.

ആ​ദ്യ​മെ​ല്ലാം സൊ​സൈ​റ്റി​യി​ൽ ന​ൽ​കാ​നു​ള്ള​തും വാ​ഗ്ദാ​നം ചെ​യ്തി​രു​ന്ന തു​ക​യും വാ​യ്പ എ​ടു​ത്തു ന​ൽ​കി​യ പോ​ലീ​സു​കാ​ർ​ക്ക് ല​ഭി​ച്ചി​രു​ന്നു.

ഓ​രോ​രു​ത്ത​ർ​ക്കും പ​ണം ന​ൽ​കാ​ൻ മ​റ്റൊ​രാ​ളു​ടെ പേ​രി​ൽ വാ​യ്പ എ​ടു​ക്കും. പി​ന്നീ​ട് വാ​യ്പ തി​രി​ച്ച​ട​വു മു​ട​ങ്ങി​യ​തോ​ടെ​യാ​ണ് പോ​ലീ​സു​കാ​ർ പ​രാ​തി ന​ൽ​കി​യ​ത്.

ഒ​ളി​വി​ൽ പോ​യ ഇ​യാ​ൾ ചെ​ന്നൈ​യി​ൽ ഡ്രൈ​വ​റാ​യി ജോ​ലി നോ​ക്കു​ക​യാ​യി​രു​ന്നു. പ്ര​തി ത​മി​ഴ് നാ​ട്ടി​ൽ ഒ​ളി​വി​ൽ ക​ഴി​യു​ക​യാ​ണെ​ന്ന് ര​ഹ​സ്യ​വി​വ​രം ല​ഭി​ച്ച​തി​നെ​ത്തു​ട​ർ​ന്ന് ഡി​സി​ആ​ർ​ബി ഡി​വൈ​എ​സ്പി ജി​ൽ​സ​ണ്‍ മാ​ത്യു, എ​സ്ഐ​മാ​രാ​യ മ​നു, എം.​പി. സാ​ഗ​ർ, സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ ബി​ജു​മോ​ൻ, സി​പി​ഒ​മാ​രാ​യ ജി​ജോ, ഷി​നോ​ജ്, സു​രേ​ഷ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് അ​റ​സ്റ്റ് ചെ​യ്ത​ത്.